среда, 28 мая 2014 г.

Ճամփորդություն դեպի Կոշի բերդ



Այսօր՝ մայիսի 28-ին Գեղարվեստի կրտսեր դպրոցի մի խումբ սովորողներ և ուսուցիչներ հաղթահարելով բոլոր դժվարությունները, կարողացան բարձրանալ Աշտարակի Կոշի բերդ:
Կոշը բերդից ու եկեղեցուց կազմված համալիր է, որը գտնվում է Աշտարակի շրջանի համանուն գյուղի հյուսիսային կողմում, շրջկենտրոնից 18 կմ հարավ-արևմուտք:
Գոյություն ունեն վաղ Երկաթի դարաշրջանի բազմաթիվ հիշատակումներ, ինչպես նաև բազալտ քարից կառուցված բնակելի շենքերի ավերակներ: Կոշի մասին հայերեն լեզվով տեղեկություններ կան դեռևս չորրորդ դարից: Գյուղում են գտնվում Սբ.Գրիգոր (13-14-րդ դդ.) և Սբ. Գևորգ (19-րդ դ.) եկեղեցիները: Կոշի բերդը (13-րդ դար) գտնվում է սարի կատարին, ունի ուղղանկյուն անկյուններ և կլոր աշտարակներ, որոնք կառուցված են քարի մեծ կտորներից: Մուտքերը հյուսիսային և հարավային կողմերից են: Արձանագրության համաձայն` Կոշը կառուցվել է Արագածոտնը թուրք-սելջուկներից ազատագրելու պատվին:

Комментариев нет:

Отправить комментарий